“Miqësia shqiptaro-kroate ka jo vetëm rrënjë të forta historike por…”/ Takimi me ish-Presidentin Mesić, Meta e uron për kualifikimin në çerekfinale të Botërorit (FOTO)

Kreu i Partisë së Lirisë, Ilir Meta ka zhvilluar një takim me ish-Presidentin kroat Stipe Mesić.

Në një postim në rrjetet sociale, Meta ka publikuar një fotografi nga takimi ky dy personalitetet kanë shtrënguar duart.

Sipas Metës, “miqësia shqiptaro-kroate fuqizohet falë kontributeve të vazhdueshme të personaliteteve të shquara si ish-Presidenti Stipe Mesić”.

POSTIMI I PLOTË:

Miqësia shqiptaro-kroate ka jo vetëm rrënjë të forta historike por fuqizohet falë kontributeve të vazhdueshme të personaliteteve të shquara si ish-Presidenti Stipe Mesić.

Shumë urime Kroacisë edhe për kualifikimin si një nga 4 ekipet e Botërorit që do ndeshen për Kupën e Botës.